2016 жылдың 29 тамызы күні Қарағанды облысының тілдерді дамыту жөніндегі басқармасының ұйымдастыруымен «Көрнекі ақпарат тілі: тәжірибе және өзекті мәселелер» атты облыстық семинар-кеңес өтті. Шара  Қазақстан Республикасы Тәуелсіздігінің 25 жылдығы мен Конституция күні аясында өткізілді.

Қарағанды облысының тілдерді дамыту жөніндегі басқармасының ұйымдастыруымен 2016 жылдың 26 тамызы күні облыстық «Абай оқулары» байқауы өтті. Аталмыш байқау Қазақстан Республикасы Тәуелсіздігінің 25 жылдығы мен Конституция күні аясында ұйымдастырылды.

Қарағанды облысының тілдерді дамыту жөніндегі басқармасының іс-шаралар жоспарына сәйкес 2016 жылғы 8 шілдеде «Құжат дайындау және аударма ерекшеліктері» тақырыбындағы семинар өткізілді.  Шараның мақсаты: мемлекеттік тілдің іс жүргізудегі негізгі тіл ретінде қолдануын жетілдіру және іс-тәжірибе алмасу, мекеме құжаттарының мемлекеттік тілдегі іс жүргізу талаптарына сәйкес ресімделуін біріздендіру жұмыстарын үйлестіру.

Қазақстан Республикасының 1993 жылғы 8 желтоқсандағы «Қазақстан Республикасының әкімшілік-аумақтық құрылысы туралы» заңына сәйкес, Жезқазған қаласы әкімдігінің Жезқазған қаласының бірқатар құрамдас бөліктерін қайта атау туралы ұсынысы негізінде Қазақстан Республикасы Үкіметінің жанындағы Республикалық ономастика комиссиясының 2018 жылғы 9 қарашада  қорытындысы берілген.

МЖӘ жобасының әлеуетті жеке серіктесін бастамашылық ету туралы хабарлама

«Қарағанды облысының тілдерді дамыту жөніндегі Басқармасы» ММ Қазақстан Республикасы Ұлттық экономика министрінің м.а. 2015 жылғы 25 қарашадағы № 725 бұйрығымен бекітілген мемлекеттік-жекешелік әріптестік жобаларын жоспарлау және іске асыру Қағидаларының 133-тармағына сәйкес МЖС жобасын жоспарлауға кәсіпкерлік субъектілерін тарту, сондай-ақ мемлекеттік-жекешілік әріптестік жобаларын жоспарлау айқындылығын жоғарылату мақсаттарында осы арқылы «Қарағанды қаласының тұрғындарын мемлекеттік және ағылшын тілдеріне оқыту қызметтерін көрсету» мемлекеттік-жекешелік әріптестік жобасының әлеуетті жеке серіктесін (бұдан әрі – МЖӘ жобасы) бастамашалық ету туралы хабарлайды.

ҚАЗТЕСТ жүйесі – Қазақстан Республикасындағы азаматтардың мемлекеттік тілді меңгеру деңгейін бағалау жүйесі.

ҚАЗТЕСТ жүйесі халықаралық тілдік білімді бағалаудың TOEFL, IELTS, DALF/DELF, DSH, CELI, TÖMER, ТРКИ және т.б. жүйелерінің қағидаттарына негізделген.

Қазақстан Республикасының Тілдерді қолдану мен дамытудың 2011-2020 жылдарға арналған мемлекеттік бағдарламасына сәйкес, Қазтестті мемлекеттік қызметшілер және мемлекеттік қызмет көрсету мекемелерінің қызметшілері тапсырулары тиіс.

Диагностикалық тестілеу барысында тыңдаушының қазақ тілін меңгеру деңгейі анықталса, сертификаттық тестілеу барысында тіл білу деңгейі нақтыланады.

ҚАЗТЕСТ төрт бөліктен тұрады: тыңдалым, лексика-грамматикалық бөлік, оқылым, жазылым.

2018 жылдың 7 ақпанында Қарағанды облысы әкімдігі жанындағы облыстық ономастика комиссиясының кезекті отырысы болып өтті. Күн тәртібінде Ақтоғай ауданының 1 көшесін, Бұқар жырау ауданының 27  көшесін, Қарқаралы ауданының 19 көшесін, Нұра ауданының 1 ауылдық округі мен 13 көшесін, Осакаров ауданының 22 көшесін қайта атау мәселелері қаралды. Комиссия жұмысы барысында Қазақстан Республикасы Президенті Әкімшілігінің тапсырмасына сәйкес, идеологиялық тұрғыдан ескірген атауларды тарихи және ұлттық танымға жақын дәстүрлі атаулармен алмастыруға айрықша мән беру қажеттілігін және бұл ретте ономастикалық жалпыұлттық деңгейде танылған тұлғалардың есімдерін берумен ғана шектелу қағидаты басшылыққа алынды.